Sunda

T: "Neng punten, dupi ieu bumi Pa Dadang ?"
J: "Ooh bukan.... kalow ini rumah Pa Entis."
T: "Manawi teh didieu, kumargi alamatna leres ieu pisan."
J: "Coba sayah liat....... ah ini mah ada di sebelah sanah"
T: "Tiasa dijajap kitu, Neng ?"
J: "Ngga usah dianter, tinggal kesebelah sanah ajah atuh, pas di pupudunan"
T: (emh ieu si eNeng.... nyarios leter B wae)

Eta teh conto salah sahiji obrolan sim kuring waktos ngulampreng ka Bandung. Diemut-emut, asa langkung seueur nu nyarios Bahasa Indonesia tibatan nyarios Basa Sunda. Padahal letahna teh kadanguna mah asa nyunda pisan. Nanging punten, ieu mah sanes ngalepatkeun da teu aya lepatna upami nyarios Bahasa Indonesia mah kumargi pan eta teh Bahasa Nasional. Mung ieu mah kahawatos sim kuring we kumargi tos seueur barudak ngora nu ngaraos isin ngangge Basa Sunda sanaos eta teh di lemburna nyalira.

Saha deui atuh nu wajib ngamumule Basa Sunda upami sanes urang Sunda ? Sakedahna mah urang teh teu kedah isin janten urang Sunda. Mangga dilenyepan :

• Sunda Plate, mangrupakeun istilah anu katelah di mancanagara kangge nami wilayah di sabudeureun Indonesia, Malaysia, Thailand, Filipina.
• Kepulauan Sunda Besar, nyaeta kumpulan pulo-pulo badag di Indonesia bagian Kulon.
• Kepulauan Sunda Kecil, nyaeta kumpulan pulo-pulo nu ayah belah wetaneun Jawa ti mimiti Pulo Bali nepi ka Pulo Timor.
• Selat Sunda, nyaeta selat anu misahkeun pulo Jawa jeung Pulo Sumatra.
• Rhinoceros Sondaicus, nyaeta jinis badak anu miboga cula hiji (tapi naha bet disebut Badak Jawa ? pan sakuduna mah Badak Sunda ?)
• Karajaan Sunda, nyaeta salah sahiji karajaan nu teu pernah taluk ku Majapait
• Basa Sunda, dipake ku paling henteu 27 juta jelema

Eta teh nu tiasa kapendak ku sim kuring. Tangtos seueur deui salian ti eta nu sakedahna ngajantenkeun urang teu kedah isin janten urang Sunda.